Շաբաթ, 26 սեպտեմբերի, 2026 թ.
|
Ստեփանակերտում`   +14 °C

«Թեհրանն արժանի և կոշտ պատասխան կտա»․ իրանցի գեներալ

«Թեհրանն արժանի և կոշտ պատասխան կտա»․ իրանցի գեներալ
637
Երկուշաբթի, 12 օգոստոսի, 2024 թ., 15:24

Թեհրանի պատասխանն իսրայելական կողմի գործողություններին կլինի «արժանի և կոշտ»։ Այս մասին ТАСС-ին ասել է Իրանի ԶՈՒ ԳՇ օպերատիվ շտաբի պետի տեղակալ Ալի Շադմանին՝ Մոսկվայում ընթացող «Բանակ-2024» համաժողովի շրջանակներում։

«Իրանի տեսանկյունից ՀԱՄԱՍ-ի առաջնորդի սպանությամբ խախտվել է տարածաշրջանում անվտանգային հավասարակշռությունը։ Համաշխարհային մեծամասնությունը որոշում չի կայացնում։ Որպես ուժեղ երկիր՝ Իրանը ստիպված է պատասխանել։ Հատուցման ձևը կորոշի մեր հոգևոր առաջնորդը»,- ասել է գեներալը։

Նրա խոսքով՝ կա երկու գործոն, որոնք ազդում են տվյալ իրադրության վրա՝ տարածաշրջանի իրավիճակը և ներքին հարցերը։ «Պետական բոլոր այրերը միակարծիք են, որ պատասխանը պետք է լինի արժանի և կոշտ։ Մերձավոր Արևելքում Վաշինգթոնի ձեռնարկած գործողությունները կարող են ազդել հենց ԱՄՆ-ի անվտանգության վրա»,- նշել է Շադմանին։

Կարդացե՛ք նաև