Ռուսական զորքերը ետ են գրավել Լիսիչնոյեն

Ռուսական զորքերը վերահսկողության տակ են վերցրել Դոնեցկի Լիսիչնոյե գյուղը, հայտնում է ՌԴ պաշտպանության նախարարությունը։
«Այսօր՝ օգոստոսի 12-ին, ռուսական զորքերի ստորաբաժանումներն ակտիվ գործողությունների արդյունքում ազատագրել են Դոնեցկի Ժողովրդական Հանրապետության Լիսիչնոե գյուղը»,- ասվում է հաղորդագրության մեջ։ Մինչ հակամարտությունը Լիսիչնոյեում ապրում էր 15 մարդ։ Գյուղը գտնվում է Կազեննի Տորեց գետից հարավ, որի երկայնքով ռուսական զորքերն այժմ կարող են առաջ շարժվել դեպի Գրոդովկա և Պոկրովսկ (Կրասնոարմեյսկ): Այս բնակավայրերը գտնվում են մոտ 20 կիլոմետր հեռավորության վրա։

Ինչպես ընդգծել են գերատեսչությունում, բանակը ոչ միայն հանդես է գալիս նախաձեռնությամբ՝ հաջողությամբ ճեղքելով հակառակորդի պաշտպանությունը, այլ նաև մեծացրել է հարձակման տեմպերը Դոնեցկի ուղղությամբ։ Այսպիսով, ռուս զինվորականները վերահսկողություն են հաստատել Կրասնոգորովկայի քաղաքային բլոկների վրա, ինչպես նաև ավարտում են Ուկրաինայի զինված ուժերի և ազգայնականների մաքրումը Իվանովկա, Սերգեևկա, Մակեևկա, Կիրովո, Արտեմովո և Ժելաննայե բնակավայրերից:
Նրանք հավելել են, որ հուլիսին «Կենտրոն» և «Հարավային» զորամիավորումներն «ազատագրել են ԴԺՀ-ի 19 բնակավայր»։