«Կիևն առանց Վաշինգթոնի աջակցության նման գործողությունների չէր դիմի»․ Պուտինի օգնական

ԱՄՆ-ն ստում է՝ ասելով, թե չի մասնակցել ՌԴ Կուրսկի մարզի վրա հարձակման նախապատրաստմանը։ Այս մասին հայտարարել է Ռուսաստանի նախագահի օգնական Նիկոլայ Պատրուշևը։

«Կուրսկի գործողությունները պլանավորվել են ՆԱՏՕ-ի և արևմտյան հատուկ ծառայությունների մասնակցությամբ։ Առանց Վաշինգթոնի աջակցության Կիևը նման գործողությունների չէր դիմի»,- Известия-ին ասել է Պատրուշևը։

Նրա պնդմամբ՝ Կուրսկում տեղի ունեցածը «նեոնացիստական Կիևի ռեժիմի մոտալուտ տապալման» արդյունքն է։