ԱՄՆ-ն սահմանափակել է ամերիկյան տեխնիկայի կիրառումը Կուրսկում․ #Reuters

Թեև ԱՄՆ-ն հրապարակայնորեն հայտարարել է, որ Ուկրաինայի ԶՈՒ գործողությունը Կուրսկի շրջանում «պաշտպանական քայլ» է, սակայն անհանգստացած է հարձակման մեջ ամերիկյան զենքի կիրառման պատճառով հնարավոր էսկալացիայից, գրում է Reuters-ը՝ վկայակոչելով իրազեկ աղբյուրներին։

Ըստ նրանց, ուկրաինական զորքերն ավելի են խորանում դեպի ռուսական տարածք ու եթե սկսեն գրավել գյուղերը՝ օգտագործելով ամերիկյան զինտեխնիկան, դա կարող է համարվել որպես ԱՄՆ-ի սահմանած սահմանափակումների խախտում։

Այդ սահմանափակումները, ըստ Reuters-ի, սահմանվել էին ՌԴ-ի և ՆԱՏՕ-ի միջև ուղիղ հակամարտությունից խուսափելու համար։