«Ընդդիմությունն իրավունք չունի կարապի, խեցգետնի, գայլաձկան տրամաբանությամբ առաջնորդվել»․ Մարգարիտ Եսայան

«Այսօր ընդդիմության միասնականությամբ պետք է ոտքի կանգնել։ Ընդդիմության տարբեր թևեր իրավունք չունեն կարապի, խեցգետնի, գայլաձկան տրամաբանությամբ առաջնորդվել, որովհետև դա տարիներ շարունակ մեզ խանգարեց՝ 2020թ․ պատերազմից սկսած»,-24TV-ի եթերում ասաց ՀՀԿ ԳՄ անդամ Մարգարիտ Եսայանը՝ անդրադառնալով այն հարցին, թե ինչպե՞ս պետք է ընդդիմությունը պայքար մղի գործող իշխանության հեռացման համար։ «2021թ․ չարաբաստիկ ընտրություններին Հանրապետական կուսակցությունը դեմ էր մինչև վերջ, բայց, երբ բոլոր ուժերը ասացին, որ մասնակցում են, Հանրապետականը ուղղակի ստիպված մտավ այդ պայքարի մեջ։ Դա չարաբաստիկ խորհրդարանական ընտրություններ էին, որը Նիկոլին քարտ-բլանշ տվեց։ Իսկ մեր կուսակցությունը՝ ՀՀԿ-ն ստիված մասնակցեց դրան։ Հիմա բոլոր քաղաքական ուժերը՝ իրար չսիրող, իրար ատող, իրար վարկաբեկող, պետք է միասնական մեկ նպատակ ունենան՝ հեռացնել Նիկոլ Փաշինյանին»,-նշեց Եսայանը։