«Ռուսաստանն իր հարևաններից պահանջում է ինքնահանձնվել»․ Արամ Սարգսյան

«Ռուսաստանն անհույս ճիգեր է գործադրում, քանի որ հասկանում է, դուրս է մնում տարածաշրջանից, որ Հայաստան-Ադրբեջան բանակցային գործընթացում այլևս գործոն չէ և ուզում է դրա մեղքն ամբողջությամբ դնել Հայաստանի վրա, ինչին դեմ չէ Ադրբեջանը»,-Հանրայինի եթերում ասաց Արամ Սարգսյանը։ «Ռուսաստանը փորձում է խնդիրները լուծել միայն սեփական շահերից ելնելով՝ առանց որևէ կանոններ հաշվի առնելու։ Արևմուտքը նույնպես գործում է սեփական շահերից, սակայն Արևմուտքն ունի սկզբունքներ, օրինակ՝ ժողովրդավարությունը, որը գերկարևոր սկզբունք է։ Արևմուտքը գնահատում է պետությունների ինքնիշխանությունը, մարդու իրավունքները։ Այն վերաբերմունքը, որն ունի Ռուսաստանը իր հարևանների նկատմամբ մազոխիզմի է նման։ Նրանք իրենց հարևաններից պահանջում են ինքնահանձնվել»,-ասաց Սարգսյանը՝ խոսելով նաև Ռուսաստանի թողտվությամբ Արցախի հայաթափման մասին։ «Ի՞նչ կարող է առաջարկել Ռուսաստանը։ Նա չի կարող Ալմա Աթայի 1991թ․ հռչակագրով ճանաչել Հայաստանի սահմանները, քանի որ ճանաչելու դեպքում ստիպված է լինելու ճանաչել նաև Վրաստանի, Մոլդովայի և Ուկարինայի տարածքային ամբողջականությունը։ Ռուսաստանը չի կարող մեզ սպառազինություն տալ Ադրբեջանի դեմ պայքարելու համար, որովհետև ինքն է ասօր զենք գնում։ Եթե Ռուսաստանը կարող էր զսպել Ադրբեջանին, նա դա պետք է աներ Լեռնային Ղարաբաղում»,-ասաց Սարգսյանը։