«Պետությունը հարկ վճարողի մեջ պոտենցիալ հանցագործ է տեսնում»․ Մեսրոպ Առաքելյան

«Պետությունը միշտ, վերջին տարիներին առավել ևս, հարկ վճարողի մեջ տեսնում է պոտենցիալ հանցագործ»,-24-ի եթերում ասել է «Ապրելու երկիր» կուսակցության համահիմնադիր Մեսրոպ Առաքելյան՝ անդրադառնալով Հայաստանի ներկայիս տնտեսական վիճակին, ավելացող հարկատեսակներին․ «Տաքսիստների նկատմամբ էլ է նույն վերաբերմունքը՝ դուք հանցագործ եք, քանի որ հարկ չեք մուծում։ Եթե հարկ մուծողը հերոս է, ապա չմուծողը՝ հանցագործ։ Փորձում են բոլորին պատժել, երևի մի օր էլ սկսեն գնդակահարել, ով հարկ չմուծի։ Հարկ վճարել պետք է, բայց աշխարհն այսօր այնպես է զարգանում, որ հարկ վճարելու մոլուցքը չպետք է դառնա պետության գլխավոր ֆունկցիան։ Լավ, էդ 20 դրամը, որ տաքսիստը չի վճարում, հավաքում, օվշորային հաշիվներին է ուղարկո՞ւմ, այստեղ է ծախսում չէ՞։ Հարկ հավաքելու մոլուցքը, որպես պետության զարգացման տեսլական, բավական սխալ ռելսերի վրա է դրված»,-ասաց Առաքելյանը։