«Եթե հաջորդ շաբաթ էլ կրկնվի, կգնանք նկատողությունների ճանապարհով»․ Տիգրան Ավինյան

«Նախորդ շաբաթվա հանձնարարականներն ամբողջական չեն կատարվել, դրանց վերաբերյալ զեկույցները, որ պետք է այսօր ներկայացվեին գործակարգավարական խորհրդակցության ընթացքում, ոչ ամբողջական ենք ստացել»,- Երևանի քաղաքապետարանում ընթացող խորհրդակցության ժամանակ ասաց Տիգրան Ավինյանը․ «Եթե հաջորդ շաբաթ էլ կրկնվի, կգնանք նկատողությունների ճանապարհով՝ անհատապես բարձրաձայնելով։ «Ակտիվ քաղաքացի» հարթակում ևս ունենք հարցումներ, որոնք բացվել են դեռևս ապրիլ-մայիս ամիսներին և որևէ արձագանք չեն ստացել։ Ունենք 15 օր ժամանակ՝ բոլոր նախկին հարցերին արձագանք տալու համար, դրանից հետո խաղի կանոնները փոխվում են․ քաղաքացին որևէ հարց բարձրացրեց այդ հարթակով՝ պատասխանելու համար տրվելու է 3 օր ժամանակ։ Քաղաքացին 3 օրվա ընթացքում պետք է իմանա՝ կա՛մ խնդիրը լուծվել է, կա՛մ ինչ ժամկետում է լուծվելու»,- հավելեց Ավինյանը։