«Շուռնուխում կառուցված մեկ տան համար մեր փողերից հատկացվել է 255.700 դոլար». Արթուր Հովհաննիսյան

279

Երկուշաբթի, 26 օգոստոսի, 2024 թ., 19:24

Օգտատեր Արթուր Հովհաննիսյանը ֆեյսբուքյան իր էջում գրել է. «2020-ից հետո Ադրբեջանին անցած՝ Շուռնուխի 13 տների փոխարեն կառավարությունը կառուցել է նոր տներ արդեն ՀՀ պետական սահմանից ներս։
Մեկ տարում կառուցել խոստանալուց հետո, բնականաբար, խոստումը չպահեցին, շահագործման հանձնեցին 2024-ին։
Էստեղ ամենակարևորը այն է, որ 13 բնակարան կառուցելու համար կառավարությունը հատկացրել է, այսինքն հարկատուների գրպանից հանվել է 1մլրդ 300մլն֏ (3,324,000 դոլար:
Երբ այդ թիվը բաժանում ես 13 բնակարանների վրա ստացվում է, որ մեկ գյուղական համեստ տունը պետությունը մեր փողերով կառուցվել է 255,700 դոլարով։
3,324,000$ գումարով կարելի է կառուցել 50 և ավել ավելի լավ տուն։
Չգիտեմ՝ ոնց ա լինում, որ սենցա լինում, բայց այ սենց են մսխվում պետական փողերը։
«Սիվիլնեթ»-ի տեսանյութը՝ ստորև»:

Աղբյուրը` Արթուր Հովհաննիսյան