«Մեր հին ու նոր պրոբլեմները կախում ենք երեխեքի վզից»․ Նիկոլ Փաշինյան

«Առաջիկայում կներդնենք նաև դպրոցի ինտերիերի ձևավորման որոշակի ստանդարներ։ Վերջերս նախարարին էի պատմում, թե ինչ վիզուալ տպավորություն եմ ստացել դպրոցներից․ շատ լուրջ խնդիրներ կան»,-կառավարության նիստին ասաց Նիկոլ Փաշինյանը։
«Մեր բոլոր պրոբլեմները՝ հին, նոր և այլն, տանում, կախում ենք երեխեքի վզից։ Երեխեքին պետք է թողնենք, որ ձևավորվեն, չպետք է նրանց մտցնել սև արկղերի մեջ։ Շատ կարևոր եմ համարում, որ դպրոցը լինի գունեղ, դա բնակավայրի համար էլ է կարևոր։ Մեր նորակառույց շենքերը սկզբից գունեղ են լինում, բայց ժամանակի ընթացքում գույնից զրկվում են, դա պետք է թարմացվի, օրինակ, դպրոցի ցանկապատը չպետք է լինի ժանգոտ»,-ասաց Փաշինյանը՝ անդրադառնալով դպրոցների նորակառույց շենքերի սպասարկման և պահմանման խնդրին։
ԿԳՄՍ նախարար Ժաննա Անդրեասյանը արձագանքելով՝ ասաց, որ դպրոցի միջավայրը բովանդակության շարունակությունն և այն պետք է համապատասխանի ներդրված չափարոշիչներին, լինի «ճկուն»։