«Պետք է ունեզրկվեն․ ամեն ամսի 1-ի օրը պետք է քարտը ստուգեն՝ տեսնեն թոշակը նստե՞լ է, թե՞ չէ»․ Նիկոլ Փաշինյան

«Թող բոլոր կոռուպցիոներները՝ ներկա և նախկին, տեսնեն, որ որևէ մեկը չպիտի պլստալու»,- այս մասին այսօր ճեպազրույցում ասաց վարչապետ Նիկոլ Փաշինյանը։

«Թող բոլոր կոռումպացվածները տեսնեն, որ իրենք հատ-հատ պետք է կրեն իրենց պատասխանատվությունը։ Եթե նախկինում նրանք հնարավորություն ունեին իրենց գողացածի մեծ մասը տալ, փոքր մասը պահել, հիմա հնարավորություն չունեն։ Այդ մարդիկ չգիտեմ, թե ինչքան կնստեն և երբ դուրս կգան, որովհետև քրեակատարողական հիմնարկում պետությունը նրանց կեցությունը կապահովի, բայց երբ հայտնվեն ազատության մեջ, պետք է ամեն ամսի 1-ի օրը երեք անգամ իրենց քարտը ստուգեն՝ տեսնեն թոշակը նստե՞լ է, թե՞ չէ, որովհետև դա պետք է լինի նրանց ապրուստի միակ միջոցը։ Այո, նրանք պետք է ունեզրկվեն՝ բառիս բուն իմաստով։ Եվ ուզում եմ արձանագրել, որ այն, որ այդ մարդիկ 8 տարի շարունակել են մնալ ազատության մեջ և տիրապետել են իրենց ունեցվածքը, դա ընդամենը նրա պատճառով է, որ Հայաստանում գործող մաֆիան, ցավոք, մինչ օրս էլ իր շոշափուկներն ունի կառավարման բոլոր մարմիններում, և իմ պարտքն է Հայաստանի ժողովրդի առաջ այդ բոլոր շոշափուկները հատ-հատ գտնել, կտրտել և արմատախիլ անել։ Թող որևէ մեկը չկասկածի, որ վճռականորեն գնալու ենք այս ճանապարհով»։