«Փնտրում ենք լավագույն առաջարկը և երբեք չենք ասել, որ ռուսականը չի կարող լինել լավագույնը»․ Նիկոլ Փաշինյան

«Մենք ասել ենք, որ փնտրում ենք լավագույն առաջարկը և մենք երբեք չենք ասել, որ ռուսականը չի կարող լինել լավագույն առաջարկը․ այստեղ մի քանի գործոններ կան՝ գին, հետգնման ժամկետ, կառուցման ժամկետ, ֆինանսավորման սխեմաներ․ հազար ու մի հարց կա։ Ակնհայտ է, որ առաջիկա մեկ տարում պետք է աշխատանքներն ինտենսիվացնենք և որոշում կայացնենք»,- այս մասին ճեպազրույցի ժամանակ նշեց վարչապետ Նիկոլ Փաշինյանը՝ անդրադառնալով հարցին, թե Բիշքեկում ՌԴ նախագահ Վլադիմիր Պուտինի հետ հանդիպման ժամանակ արդյոք պայմանավորվածություն է ձեռք բերվել ատոմակայանի վերաբերյալ։

«Մենք նաև աշխատում ենք գործող ատոմակայանի շահագործման ժամկետը 36 թվականից հետո ևս մեկ անգամ երկարաձգելու ուղղությամբ․․․ Մենք հարցը պետք է քաղաքականից դուրս դնենք»,- հավելեց վարչապետը։