«Ինչպես ասում են՝ արդեն «Москва слезам не верит»»․ Տիգրան Քոչարյան

«Ռուսական կողմն էլ է բավականին մեծ սխալներ արել՝ հայ-ռուսական հարաբերությունների լարմանը նպաստող»,- «5-րդ ալիք»-ի եթերում ասել է մեդիափորձագետ Տիգրան Քոչարյանը։ «Ռուսական կողմի հիմնական սխալը, որը կրեմլյան աշտարակներն արդեն ընդունում են, այն էր, որ մտածում էր՝ Հայաստանում ինչ ղեկավար էլ լինի, ինքը պրոռուսական է լինելու, որովհետև Հայաստանն ու Ռուսաստանը բազմաթիվ թելերով կապված են՝ անվտանգային, էներգետիկ, սպառողական, դեմոգրաֆիական և այլն։ Այսինքն, մոտ 3-4 տարի այդ աշտարակները պահել են Փաշինյանին, հիմա փոշմանել են և հասկանում են, որ մարդը ուղղակի իրենց քցել է։ Փաշինյանին ներկայացրել են որպես մերոնքական, բայց ինչքան վատություն կար, ինքը արեց։ Հիմա Փաշինյանը փորձում է հին ձևերով էլի խաբի, ասի՝ Վլադիմիր Վլադիմիրովիչ, սատանան է խառնել, կներես, էլ տենց չեմ անի, պատրաստ եմ ամեն ինչի, բայց, այս պարագայում ոնց ասում են՝ արդեն «Москва слезам не верит», այս պարագայում այլևս իրեն հավատացող չկա։ Եվ թե այստեղ ինչ է լինելու, մենք կիմանանք մոտ ժամանակում, հատկապես, եթե Ռուսաստանի հաղթարշավը Դոնեցկի մարզում շարունակվի»,- նշել է Քոչարյանը։