Բանգլադեշում բանվորների բողոքի ակցիաների պատճառով փակվել են տասնյակ տեքստիլ գործարաններ

Բանգլադեշի մայրաքաղաք Դաքայում մոտ 70 տեքստիլ գործարան փակվել է աշխատողների կողմից չորեքշաբթի կազմակերպված բողոքի ակցիաների պատճառով, հայտնում է տեղական Dhaka Tribune լրատվամիջոցը։
«Չորեքշաբթի օրը կարի արդյունաբերության աշխատողները բողոքի ցույցեր են կազմակերպել, որոնք հանգեցրել են Դաքայում և Աշուլիայում առնվազն 70 գործարանի փակմանը»,- գրում է թերթը։
Ցուցարարները պահանջում են աշխատավարձերի բարձրացում և աշխատանքային պայմանների բարելավում։ Որոշ գործարաններ, ինչպես պարզաբանում է թերթը, փակվել են իշխանությունների կողմից՝ հետագա սրացումներից խուսափելու համար, քանի որ բողոքի ցույցերը հանգեցրել են բախումների ու վանդալիզմի գործողությունների։ Բացի այդ, բանվորները փակել են որոշ ճանապարհներ, ինչը հանգեցրել է խցանումների։ Պահանջվել է բանակի և ոստիկանության միջամտությունը՝ կարգուկանոնը վերականգնելու համար: