«Չի լռել, երբ Նիկոլին լռություն էր պետք»․ Միքայել Նահապետյան

Քաղաքական գործիչ Միքայել Նահապետյանի ֆեյսբուքյան գրառումը․ «Աշոտյան Արմենը երկար տարիներ եղել է իմ քաղաքական հակառակորդը։ Ավելին՝ նա անձամբ մասնակցել ու կայացրել է որոշումներ, որոնք ինձ շատ երկար խանգարել են դժվարության պահին էմպատիա ունենալ իր հանդեպ։ Բայց Արմեն Աշոտյանը չի՛ եղել էս երկրի թալանչին, Արմեն Աշոտյանին չի՛ մեղսագրվում որևէ հոդաբաշխ հանցանք, բայց նա ի տարբերություն չագուչի տակով անցած միլիարդատերերի գտնվում է կալանքի տակ (այժմ էլ տնային)։
Դրա միակ պատճառն այն է, որ Արմենը չի լռել երբ Նիկոլին լռություն էր պետք։ Ավելին՝ ենթադրաբար Արմենը իր երկարամյա Եվրոպական կապերը օգտագործել է բաստիոնի հակառակ (իրական) կողմը ցուցադրելու համար։ Ահա դա չի ներվում Արմենին։ Թե չէ այն, ինչ մեղսագրվում է նրան՝ նույնիսկ 100%-ով ապացուցվելու դեպքում ընդամենը միջին վիճակագրական ՔՊ-ական գեղապետի տաղտկալի առօրյան է։
Ես ու Աշոտյանը 85% դեպքերում ապրում ենք շատ տարբեր արժեքներով։ Բայց էն 15%-ի մեջ է մտնում օրինակ այն, որ ո՛չ ես, ո՛չ ինքը Նիկոլին չէինք հանձնի Բաքվի դատարան, ո՛չ ես, ո՛չ ինքը «մեր կորցրած հայրենիքի վրեժը» հարբած լայվով չէինք հանի մեր քաղաքացուց ու ո՛չ ես, ո՛չ ինքը էդ լայվից հետո չէինք մոռանա մեր կորցրած հայրենիքի վրեժը ու բոցիկներ չէինք անի Իլհամի հետ։ Ահա այդ 15%-ը ինձ ստիպում է այսօր մխիթարություն ու կամք մաղթել նրա ընտանիքին՝ քաղաքական հետապնդմանը դեմ կանգնելու ճանապարհին և հուսալ, որ կգան ժամանակներ, երբ մենք նորից կկենտրոնանանք այն 85%-ի վրա, որը մեր այսօրվա ու վաղվա հիվանդությունների արմատում է»։