«Փորձ է կատարվում Իրանի համար այլ ճակատ բացել, ինչը չի բխում հենց մեր շահերից». Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․ «Շոյգուն կրկին Իրանում է, այս անգամ՝ չհայտարարված այցով։ Կարծում եմ, որ Շոյգուն Իրան է մեկնել նրա համար, որ առաջին ձեռքից Իրանին հավաստիացնի, որ ՌԴ գործողությունները Հարավային Կովկասում չեն կարող հակասել Իրանի ազգային շահերին։ Ավելի կոկնրետ, այսպես կոչված, զանգեզուրյան միջանցքի հետ կապված հարցերում Շոյգուն փորձում է Իրանին ներկայացնել ՌԴ դիրքորոշման հիմնավորվածությունը։ Ամեն դեպքում, դատելով Իրանից եկող հաղորդագրություններից, Իրանն անդրդվելի է իր՝ նախապես հայտարարած կարմիր գծերի մասով, հենց դա է պատճառը, որ այնտեղ ևս խոսք է գնացել եռակողմ հայտարարության մասին (ըստ որոշ հրապարակումների):
Այս ամենին զուգահեռ փորձ է կատարվում Իրանի համար այլ ճակատ բացել, ինչը չի բխում հենց մեր շահերից։ Այս պահին Իրանը չպետք է զբաղված լինի այլ ռազմական գործողությունով ուղիղ ներգրավմամբ, ինչին ձգտում են որոշ ուժեր։ Կարծում եմ, որ ՌԴ-ն Իրանի կարմիր գծերը չի կարող հաշվի չառնել երկու հիմանական պատճառով։
Առաջին, որ, ըստ որոշ հրապարակումների, Իրանը ՌԴ-ին ռազմամթերք, կամ ռազմական տեխնիկա է մատակարարում։
Երկրորդ, Իրանի դերի նվազեցմամբ տարածաշրջանում ավելանում է թուրքական դերը, այսինքն, Իրանի տեղը չի կարող զբաղեցնել ՌԴ-ն։
Փորձեցի հակիրճ ներկայացնել»: