«Սեպտեմբերի 19-ը պետք է հռչակվի համահայկական ամոթի օր»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Սեպտեմբերի 19-ը պետք է հռչակվի համահայկական ամոթի օր․ երևի էս նույն զգացումներն են ունեցել 428 թվականի հայերը, երբ աշխարհաքաղաքական բևեռները կործանեցին Արշակունիների արքայատոհմը։ Ավելի ուշ թերևս նույն ապրումների մեջ էին 1045 թվականին Անիում ապրողներն ու Սսի բնակչությունը 1375 թվականին։
Նշեմ, որ առաջին երկու դեպքում տեղի ունեցածը բացառապես պետության ղեկավարի անողնաշարության արդյունք էր, իսկ վերջինը՝ Արևմուտյան տեխնոլոգիաների փայլուն կիրառում, երբ ամեն ինչ գծած դասավորվեց այնպես, որ պետության գոյություն ունենալն ուղղակի անհնարին էր»։