«Վախեցած սպասում է՝ գնանք «Եռաբլուր»-ից, նոր գա»․ զոհվածի հայր

Ինչպես հայտնել էինք՝ զոհված զինծառայողների ծնողները գիշերը լուսացրել են «Եռաբլուր»-ում, որպեսզի թույլ չտան Փաշինյանի մուտքը «Եռաբլուր»։ «Քանի՞ կոպեկ արժի՝ վախեցած մտնելը, սպասում է՝ ծնողները գնան, նոր գա։ Չե՛նք գնալու»,- լրագրողների հետ զրույցում ասել է զոհվածի հայրը։ Հարցին՝ բախումներ կլինե՞ն, նշել է․ «Թող իրենք մտածեն։ Ո՞նց եք կարծում՝ 4 տարի նկար պաչողի համար բախումն էակա՞ն է»։

Ավելի ուշ հայտնի դարձավ, որ Նիկոլ Փաշինյանի անունից «Եռաբլուր» զինվորական պանթեոնում ծաղկեպսակ է դրվել։