«Շարժումը հասավ մի հանգրվանի, երբ Հանրայինում ուղիղ եթեր տրամադրվեց»․ Նաիրա Զոհրաբյան

«Շատ կարևոր է, որ շարժումը հասավ մի հանգրվանի, երբ տրամադրվեց Հանրայինի ուղիղ եթեր։ Որովհետև Հանրայինը մեկ մարդու անձնական քարոզչամեքենան է՝ խայտառակ ապատեղեկատվությամբ»,-լրագրողների հետ զրույցում ասաց ԱԺ նախկին պատգամավոր Նաիրա Զոհրաբյանը՝ անդրադառնալով Սրբազանի Հանրայինի եթերով ուղերձ հղելուն։ «Ամենազարհուրելին այն է, որ ժողովրդի փողերով էդ ժողովրդին սարքում են իդիոտ։ Սուտ, խայտառակ ապատեղեկատվություն է հնչում Հանրայինի եթերից։ Քաղաքացուն ասում են՝ դու տալու ես փող, ես քեզ սարքելու եմ կենդանի, քեզ կտրելու եմ իրականությունից, որպեազի դու չմտածես»,-նշեց Զոհրաբյանը։