«Սա ժամանակահատված է, երբ պետք է օգտագործենք բոլոր հնարավորությունները»․ Գեղամ Ստեփանյան

«Մենք նկատում ենք, որ որքան մոտենում է COP29 համաժողովի օրը, այնքան միջազգային դաշտում որոշակի ակտիվություն է նկատվում Բաքվում պահվող հայ գերիների ազատ արձակման վերաբերյալ։ Երեկ տեղեկացանք, որ նաև Եվրոպական խորհրդարանում է նախատեսվում այս թեմայով քննարկում իրականացվել»,-լրագրողների հետ զրույցի ժամանակ ասաց ԱՀ ՄԻՊ Գեղամ Ստեփանյանը։ «Սա ժամանակահատված է, որը աշխարհի ուշադրությունը դեպի Ադրբեջան է տանելու, և մենք պետք է օգտագործենք բոլոր հնարավորությունները՝ պարտադրելու, որ Ադրբեջանը կատարի մարդու իրավունքների միջազգային իրավունքի, մարդասիրական իրավունքի դրույթները։ Հակառակ պարագայում՝ չխոսելով, այս հարցերը չբարձրաձայնելով, Ադրբեջանը ավելի կոգևորվի հետագա անպատժելիությունից»,-նշեց Ստեփանյանը։