«Տարին 80-ից ավելի զոհ է տալիս ոչ-մարտական իրավիճակում, լսե՞լ եք` Պապիկյանը ծպտուն հանի». Սևակ Հակոբյան

Լրագրող, խմբագիր Սևակ Հակոբյանի գրառումը. «Մի անգամ անդրադարձել էի էսօրվա իրականությունը բնութագրող դեպքի․ Գավառում տեղի էր ունենում ֆեստիվառ փառատոն, որը կազմակերպել էր իշխանությունը, ու բանակում երկու զոհ ունեինք Գերարքունիքի մարզից։ Տղերքի դիերը բերելը համընկել էր փառատոնին, ու երկու զոհի դին հրապարակի մոտով անցնում է ժողովրդի տռճիկ տալու ժամանակ, երգերի ներքո։ Հենց նման մի բան էլ երեկ տեղի ունեցավ։ Երեկ, երբ Երևանում տաշի-տուշի էր, Երևանի տոնն էին նշում, զորամասերից մեկում զոհվեց 19-ամյա զինծառայող Աղասի Սերոժի Դալլաքյանը։ Ասում են՝ ինքնասպան է եղել։ Օրերս՝ Հոկտեմբերի 6-ին, էլի զորամասերից մեկում զոհվեց Վահե Բագրատի Հարությունյանը, էլի ասացին՝ ինքնասպան է եղել։ Երեկ այսպես կոչված պաշտոնական այրերից շնորհավորանքի խոսքեր լսեցինք, բայց ոչ մի խոսք ևս մեկ զոհի մասին, ևս մեկ սևազգեստ դարձրած ընտանիքի մասին։ Տարին 80-ից ավելի զոհ է տալիս ոչ-մարտական իրավիճակում, լսել ե՞ք Պապիկյանը ծպտուն հանի, ցավակցի։ Բացեք իր նախարարության հաղորդագրությունները․ նույն 4 տողը պատրաստի պահում են՝ «Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում է․․․»։ Մենակ առաջին տողն է, որ փոփոխվում է՝ ամսաթիվը, ժամը և զոհի անուն-ազգանուն-հայրանունը։ Հերիք չէ՞ վշտակցեք ու սպասեք հաջորդ դեպքին։ Պապիկյանը ախռանայով, շարասյունով է երթևեկում, լրագրողները խորհրդարանում հարց են տալիս, ասում է՝ սա տեղը չէ, Եռաբլուրում հարց են տալիս, ասում է՝ օրը չէ ու հերթով զոհ է տալիս զինվորներին։
Հայաստանի ազգային հավաքականը Հյուսիսային Մակեդոնիային կրվել է 0։2 հաշվով, գլխավոր մարզիչ Ալեքսանդր Պետրակովը հեռացվեց աշխատանքից։ Ո՛չ զոհ ա տվել ֆուտբոի դաշտում, ո՛չ վիրավոր, ոչ էլ դաշտն ա հանձնել, բայց հեռացվեց․ բա պաշտպանության նախարարը իրար հետևից զոհ ա տալիս, ի՞նչ եք մտածում։ Զոհ զոհի հետևից է, չենք տեսնում արտակարգ խորհրդակցություն անեն, հրաժարական տան, ներողություն խնդրեն․․․ Զինվոր է սպանվել, Փաշինյանը մայրուղիներում երթևեկությունը կաթվածահար է արել ու գնացել է հեծանիվ քշելու։ Ոչ մի խոսք, ոչ մի ցավակցություն․ նրա «Ֆեյսբուք»-ի էջը ոնց որ տոնակատարությունների անոնս լինի՝ երգել է, տեսահոլովակը դրել էջին, գրել է, թե ոնց ամբողջ օրը լեռներում հեծանիվ քշեց, նկարել է պատուհանից, թե ոնց իր օֆիսի դիմաց պարաշյուտ թռցրին։ Էդ ա՞ քո լիազորությունների շրջանակը։ Ընդդիմադիր Նիկոլն ամեն զոհից հետո կգրեր՝ ՊՆ-ն նվեր ա անում ծնողներին՝ նվիրելով զավակի դին։
Պետրակովը ոչ կոմտետենտ մարզիչ էր, հեռացվեց․ դու կոմպետե՞նտ ես։ Ինքն էլի գոնե հազարից մեկ մի հատ կրում էր, դու 6,5 տարում կրվելուց բացի ի՞նչ ես արել։ ՀՀ նախագահ աշխատող մարդը Երևանի տոնն է շնորհավորում։ Զինվոր ենք կորցրել, ինչո՞վ ես դու զբաղված։ Խոսք կա, չէ՞, «ընկել է մոր փորը»․ սրանցն է։ ՀՀ նախագահը թիվ 1 բորտը զբաղեցնում է ու մեկնում Թուրքմենստան գրքի շնորհանդեսի։ Էնտեղից գալիս է ու մեկնում Ղազախստան՝ Հայաստանի մշակույթի օրերին, ջազ համերգի մասնակցելու։ Լավ դուք գոնե գիտակցում ե՞ք, թե ով եք ի պաշտոնե, ուր եք։ ՀՀ սովորական, ինչպես ասում են՝ շարքային քաղաքացին բազմիցս ավելի ադեկվատ է արձագանքում իրավիճակին, քան ի պաշտոնե պատասխանատուները։ Նիկոլը ժամանցային տեսանյութ է հրապարակում, քաղաքացիներն են գրում՝ զոհ ունենք, ուշքի արի։
Արխիվից տեսանյութ էի հրապարակել, 2018թ․ մայիսի 11-ին նոր-նոր վարչապետ դարձած՝ ուղիղ եթեր է մտնում ու ասում՝ պետք է կառավարությանը, պաշտոնյաներին գնահատենք ըստ արդյունքների։ Ու եթե արդյունքները չապահովենք, վստահությունը կորչի, ոչ մի վայրկյան չեմ մնա վարչապետ։ Ձեր տված արդյունքը ձեզ դո՞ւր է գալիս»: