Վահագն Չախալյանը նստացույց է հայտարարել՝ գերիների վերադարձի պահանջով

«Կամք» նախաձեռնության հիմնադիր Վահագն Չախալյանը Կառավարության շենքի մոտ ամեն աշխատանքային օր 12։00-ից 15։00-ը նստացույց է անելու՝ պահանջելով Բաքվի բանտերում գտնվող հայ գերիների վերադարձի հարցը բերել օրակարգ։ Այս մասին ֆեյսբուքյան ուղիղ եթերում հայտնել է Չախալյանը։

«Ես որոշել եմ նստացույց անել ՀՀ կառավարության շենքի մոտ՝ պահանջելով, որ ՀՀ իշխանությունները զբաղվեն Բաքվի բանտերում գտնվող հայ գերիների հարցով, որոնք կտտանքների են ենթարկվում։ Ես չեմ կարող անտարբեր մնալ այս ամենի նկատմամբ։ Մենք միասին կպարտադրենք ՀՀ իշխանություններին, որպեսզի լուրջ զբաղվեն այս հարցով։ Նստացույցը կտևի այնքան, մինչև գերիների վերադարձի հարցը բերվի օրակարգ»,- ասել է նա։