«Որտե՞ղ է երևում, որ ՀՀ սուվերեն տարածքները վերադարձվելու են»․ Աննա Գրիգորյան

Քննարկվում է «Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին հարցը։

ԱԺ «Հայաստան» խմբակցության պատգամավոր Աննա Գրիգորյանը հարց ուղղեց փոխվարչապետ Մհեր Գրիգորյանին․ «Կանոնակարգը հաստատված չէր, բայց ասում եք՝ բավարար հիմք կար սահմանազատման համար։ Հարցնում ենք՝ այդ հիմքը ո՞րն էր, ասում եք 1976 թփվականի քարտեզը։ Բա եթե 76 թվականի քարտեզը բավարար հիմք է, էս կանոնակարգը բերել եք ԱԺ, որ ի՞նչ անեք։ Եթե 76 թվականի քարտեզն ընդունելի է, բա ինչո՞ւ դա որպես հիմք ամրագրված չէ այս կանոնակարգով։ Հակառակը, կանոնակարգում գրել եք՝ «վերագրելի քարտեզներ»։ Ադրբեջանին հարցրե՞լ եք այդ վերագրելի քարտեզները որոնք են, կարող է պարզվի իրենց վերագրելի քարտեզներով ՀՀ որոշ տարածքներ Ադրվեջանին են պատկանում։ Եկել, ասում եք՝ հաստատեք այս կանոնակարգը, գնամ սահմանազատում անեմ։ Այս փաստաթղթի մեջ ասվում է, որ դեռ նոր պետք է ուղեցույց ստեղծվի քարտեզը որոշելու համար։ Սա լո՞ւրջ է։ Որտե՞ղ է երևում, որ ՀՀ սուվերեն տարածքները մեզ վերադարձվելու են և ինչո՞ւ քարտեզներն ամրագրված չեն»։