«Գործընթացի մեջ 3-րդ երկիր մտցնելով՝ ռիսկերի մեջ կմխրճվենք»․ Մհեր Գրիգորյան

ԱԺ արտաքին հարաբերությունների մշտական հանձնաժողովի նիստում քննարկվում է «Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին հարցը:

«Ինչպե՞ս եք պատկերացնում վեճերի լուծման մեխանիզմը, եթե չկա նշված որևէ մեխանիզմ, կամ հղում չկա տրված անգամ որևէ այլ փաստաթղթի»,- դիմելով հիմնական զեկուցող Մհեր Գրիգորյանին՝ հարց ուղղեց «Հայաստան» խմբակցության քարտուղար Արծվիկ Մինասյանը: Գրիգորյանը պատասխանեց․ «Եթե մենք սուվերեն պետություն ենք և շանս ունենք բանակցելու, պետք է առանց միջնորդների բանակցենք։ Վեճերի լուծման կարգը շատ բարդ բան ա։ Բայց եթե մենք 3-րդ երկիր բերենք, սարքենք արբիտրաժ, ես չգիտեմ՝ ինչ շահերի բախում կլինի: Մենք կարող ա նենց ռիսկերի մեջ մխրճվենք, որ մեզնից անկախ լինի որոշում, որը մեզ համար պարտադիր լինի, իսկ ես չկարողանամ պատասխան տալ՝ էդ որոշումն ինչու պետք է կյանքի կոչենք։ Ես չեմ համարում, որ դա ճիշտ ա»։