«Փաշինյանն անձամբ ինձ չի խաբել, ժողովրդին է խաբել». Հայկ Մամիջանյան

«Պարզ մի փաստ․ երբեք դուք չեք լսի, որ մենք որևէ կերպ մեղադրենք ժողովրդին, ժողովրդին խաբել են 18 թվականին․․․, հետո 21 թվականին խաբեցին, և մեր պարտավորությունն է մեր յուրաքանչյուր քաղաքացուն ցույց տալ իրականությունը։ Փաշինյան Նիկոլն անձամբ ինձ չի խաբել, որովհետև ես իրեն երբեք չեմ հավատացել»,- լրագրողների հետ ճեպազրույցում այս մասին հայտարարեց ԱԺ «Պատիվ ունեմ» խմբակցության ղեկավար Հայկ Մամիջանյանը:
«Ես իր հետ այդ մասով հաշիվ չունեմ»,- ասաց Մամիջանյանը՝ հավելելով Նիկոլ Փաշինյանի հետ հաշիվ ունի Արցախի համար, ՀՀ անվտանգության համար, Եռաբլուրի լույս տղաների համար, Արմեն Աշոտյանի բանտարկության համար, մյուսների նկատմամբ հարուցված քրեական հետապնդումների համար:
«Բայց, կարծում եմ, որ այն քաղաքացիները, որոնք 2018 կամ 2021 թվականներին հավատացել են Փաշինյանին, Փաշինյանից ստանալու ունեն նաև իրենց խաբելու համար»,- ընդգծեց «Պատիվ ունեմ» խմբակցության ղեկավարը: