«Թուրք լրագրողների հետ «խաղաղության խաչմերուկ» են քննարկելու․ հնչում է, չէ՞»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Թուրքի հետ քիրվայության սեզոնը համարենք բացված: Սրանք փաստորեն էդ ամեն ինչն իջեցնում են արդեն «գետնի վրա» ու թուրք փորձագետների ու լրագրողների են հրավիրում Հայաստան: Ստեղ մարազմը էնա, որ կանչում են «խաղաղության խաչմերուկ» քննարկելու. թուրքի հետ քննարկում՝ հնչում ա չէ՞:
Հարությունյան Արայիկը երևի չուզեց բարձրաձայնի, որ, ասենք, թուրքերի հետ ադրբեջանցիքին էլ ենք հրավիրում, կամ ուղղակի դա էլ երևի պահել են որպես աղանդեր:
Հայաստանը «проходной двор» սարքելու սրանց մանկական երազանքը հաստատուն քայլերով իրականություն ա դառնում»:
Հիշեցնենք, որ այսօր ԱԺ-ում վարչապետի աշխատակազմի ղեկավար Արայիկ Հարությունյանը հայտարարեց, որ «Խաղաղության խաչմերուկ» նախագծի առաջխաղացման համար մի շարք միջոցառումներ են նախատեսվում, այդ թվում՝ Թուրքիայի մի շարք լրատվամիջոցների ներկայացուցիչների այցը Հայաստան։