«Հայկական կողմի զիջմա՞ն արդյունք է լինելու խաղաղության պայմանագրի ստորագրումը». լրագրողը՝ Արայիկ Հարությունյանին

«Հայտնի է, որ խաղաղության պայմանագրի երեք կետերի շուրջ կողմերը համաձայնության չեն գալիս, հայկական կողմի զիջումների արդյո՞ւնք է լինելու պայմանագրի ստորագրումը, ո՞վ է ի վերջո զիջելու»,- ԱԺ-ում լրագրողների հետ զրույցում անդրադառնալով այս հարցին՝ վարչապետի աշխատակազմի ղեկավար Արայիկ Հարությունյանը պատասխանեց. «Ցանկացած խաղաղության պայմանագիր լավ է, երբ կան փոխզիջումներ, երբ զիջումներ են լինում, դրանք արդյունավետ չեն լինում»:

Հարցին՝ Հայաստանը Բաքվից ի՞նչ փոխզիջումներ է ակնկալում, Հարությունյանն արձագանքեց. «Ես կսահմանափակվեմ այսքանով»: «Այս պահին խմբագրված տարբերակները գտնվում են կողմերի մոտ. երբ նոր խմբագրումներ և տարբերակներ կլինեն, փոխանակություն կլինի, և եթե անհրաժեշտ լինի՝ հանդիպում կլինի: Համաձայնեցման շուրջ աշխատանքներ են տարվում»,- հավելեց վարչապետի աշխատակազմի ղեկավարը: