«Ընդամենն առաջարկվում է օրհներգի քառատողերի փոփոխություն իրականացնել»․ Մովսես Հարությունյան

ԱԺ նախագահի մամուլի քարուղար Մովսես Հարությունյանի ֆեյսբուքյան գրառումը․ «Ուրեմն ԱԺ նախագահ Ալեն Սիմոնյանը երկու այլ պատգամավորների հետ օրհներգի տեքստի փոփոխության նախաձեռնությամբ է հանդես եկել, որպեսզի մեր օրհներգը ոչ թե լացով, կոծով կամ տխրությամբ, այլ դրական նոտայով ավարտվի, իսկ մեր լրագրողների մի մասն էլ չիմացությամբ, մյուս մասն էլ՝ միտումնավոր, փորձում են աղավաղել այս նախաձեռնությունը ու այն ներկայացնել՝ «շտապեք, դավաճանների ձեռքերը հասան արդեն մեր օրհներգին» ոճի մեջ։
Իսկ իրականում, ընդամենն առաջարկվում է օրհներգի քառատողերի փոփոխություն իրականացնել, որպեսզի այն ավարտվի «Թող միշտ պանծա, Հայաստան»-ով։
Հ.Գ. Ուզեք, թե՝ ոչ, միշտ պանծալու ենք ազատ, անկախ ու ինքնիշխան Հայաստանով»։