«Դավաճաններին ձեր մեջ փնտրելու փոխարեն փնտրեցիք Զինված ուժերի և ընդդիմության մեջ»․ Արծվիկ Մինասյան

«Սա մի իշխանություն է, որը Հայաստանի Հանրապետության Զինված ուժերին, հայոց բանակին համարում էր տարածաշրջանում որոշիչ ազդեցություն ունեցող, մարտունակ և ինտելեկտուալ բանակ: Սա չի ասվել ոտքի վրա՝ չծանոթանալով բանակին: Սա ասվել է իշխանութան գալուց շուրջ 3 տարի անց,- այս մասին ԱԺ-ում հայտարարությունների ժամին նշեց «Հայաստան» խմբակցության պատգամավոր Արծվիկ Մինասյանը:
«Եվ Զուգահեռաբար ձեր իշխանությունն էր, որ գերեվարում էր Զինված ուժերի ներկայացուցիչներին, որ կեղծ թիրախներ էիք դնում, որ ոչնչացնում էիք բանակը, սպայական կազմի հեղինակությունը: Հետևանքն էլ եղավ այն, որ կորուստների համար մեղադրեցիք Հայաստանի Հանրապետության Զինված ուժերին։ Դավաճաններին ձեր մեջ փնտրելու փոխարեն փնտրեցիք Զինված ուժերի մեջ, փնտրեցիք ընդդիմության մեջ․ սա է իրականությունը»,- հավելեց ընդդիմադիր պատգամավորը։