«Նիկոլի միակ գործը եղել և շարունակում է մնալ քանդելը»․ Լևոն Զուրաբյան

ՀՀԿ փոխնախագահ Լևոն Զուրաբյանը ֆեյսբուքյան էջում հրապարակել է իր հարցարույցը «Պրես Կենտրոնի» հետ՝ կից գրառմամբ․ «Հայաստանի նորանկախ պետականության 33-րդ և սեփական կառավարման 6-րդ տարում Նիկոլ Փաշինյանը հայտարարել է, որ հայ ժողովուրդը ապապետական մտածողություն ունեցող ազգ է, որ մենք պետություն չունենք և որ անկախության հռչակագրի բովանդակությունը նրա մասին է, որ Հայաստանը չի կարող գոյություն ունենալ:

Այս «սարսափելի եզրակացությամբ» «ազգակործան պատուհասը» ևս մեկ անգամ ցույց տվեց, որ իր ձախողված կառավարման աղետների մեղավորությունից խուսափելու համար պատրաստ է ոտնատակ անել մեր ամբողջ ժողովրդի նև ցանկացած հիմնարար արժեք:

Նիկոլի միակ գործը եղել և շարունակում է մնալ քանդելը (գիտակցաբար թե տգիտաբար), իսկ հետո՝ իր իսկ ստեղծած աղետների մեղավորությունը բոլորիս վրա բաշխելը: Այդ գործը կատարելու և իշխանությունը պահելու նպատակով նա պատրաստ է քարուքանդ անել ցանկացած սրբություն, արժեք և ազգային արժանապատվություն:

Խոսում ենք նաև COP29-ի ֆրանսիական և արգենտինական բոյկոտի մասին, գերիներին վերադարձնելու մեր դիվանագիտության «ջանքերի», խաղաղության պայմանագիր ստորագրելու հեռանկարների, տնտեսական աճի անկման, ռուս, ուկրաինացի և բելառուս ռելոկանտների բարձրորակ աշխատուժը Հայաստանում պահելու գործընթացի ձախողման, ինչպես նաև կրթության և գիտության նկատմամբ Նիկոլին «դասակարգային» ատելության մասին, որի արտահայտությունն է այն կարանտինի տակ դնելու՝ «Ակադեմիական քաղաքի» մեգապրոյեկտը»։