«Սափրվելուց հետո հասկացա՞վ, որ կոռուպցիա կա, էդ մարդկանց տներ չի՞ գնացել»․ Գառնիկ Դանիելյան

«Մեր թիրախում պետք է լինի Նիկոլ Փաշինյանը, էս կոսմետիկ փոփոխությունները, մեկ անձին մեկ ուրիշ անձով փոխարինելն էական փոփոխություն չի բերելու»,- այս մասին «24TV»-ի հետ զրույցում նշեց ԱԺ «Հայաստան» խմբակցության պատգամավոր Գառնիկ Դանիելյանը։

«Եթե խնդիրը կոռուպցիան և կաշառակերությունն էր, այդ մասին այս վեց տարիների ընթացքում քիչ չի խոսվել։ Մենք էլ՝ որպես պատգամավորներ, քանի տարի է խոսում ենք դրա մասին՝ սկսած ասֆալտապատման աշխատանքներից մինչև ճանապարհային դեպարտամենտում տիրող կոռուպցիոն մեխանիզմների մասին, հատիկ-հատիկ ասել ենք, նոր չենք ասել։ Ի՞նչ է, Նիկոլ Փաշինյանը նոր է հասկանո՞ւմ, որ կոռուպցիոն սխեմաներ են գործում, որ այդ մարդիկ տներ են ձեռք բերում, երբ որ ժամանակին փոշեկուլ և հեռուստացույց էին ապառիկ գնում։ Փաշինյանն իրենց տները չի՞ գնում, կերուխումներին չի մասնակցո՞ւմ էդ տներում․ կառուցում են տներ, բայց էդ մարդիկ սեփական կատու էլ չունեին։ Հիմա ինչ-որ մի պահի՝ սափրվելուց հետո հասկացա՞վ, որ սենց երևույթներ կան, և կառավարության նիստի ժամանակ զարմանք հայտնեց»,- նշեց Դանիելյանը։