«ՀՀԿ-ականները վերջին չորս տարում ավելի շատ փողոցում են եղել, քան իրենց տանը». Էդուարդ Շարմազանով

«2020 թվականից հետո չի եղել որևէ շարժում, որի մեջ ՀՀԿ-ն ամբողջությամբ ներգրավված և օժանդակած չլինի, լինի «Հայրենիքի փրկության շարժում»-ը, «Դիմադրության» շարժումը, թե «Սրբազան շարժումը»»,-ասուլիսի ժամանակ ասաց ՀՀԿ ԳՄ անդամ Էդուարդ Շարմազանովը՝ նշելով, որ ընդհանուր գործի նպատակին հասնելու համար ՀՀԿ-ականները շարժումների ժամանակ ցույց են տվել զրո ամբիցիա: «Մենք ամբողջ ռեսուրսով էնտեղ ենք եղել, ազնիվ պայքարել ենք: Մենք ամբիոնից չենք խոսել, որ հանկարծ չասեն նախկինը եկավ, իշխանություն են ուզում: ՀՀԿ-ականները վերջին չորս տարում ավելի շատ փողոցում են եղել, պայքարի մեջ, քան իրենց տներում: Հիմա էլ մենք պատրաստ ենք ցանկացած կառուցողական ծրագրային առաջարկի»,- ընդգծեց Շարմազանովը: Նա նշեց ՀՀԿ-ի և ՔՊ-ի տարբերությունները. «ՔՊ-ն մտածում է հաջորդ ընտրություններում հաղթելու մասին, մենք մտածում ենք հայրենիք ունենալու մասին: Մենք մտածում ենք պետությունը պահելու մասին, ՔՊ-ն մտածում է հաջորդ ընտրություններում քանի մանդատ է ունենալու»: