«Սափրվեցի, որովհետև ինքս ինձ հարցեր այլևս չունեմ». Նիկոլ Փաշինյան

«Որոշեցի, որ ավագ դստերս ծննդյան օրն եմ սափրվելու: Հիմա, որ եթեր գնա, մյուս դուստրերս հարց են դնելու, թե ինչո՞ւ նրա, և ոչ թե իրենց ծննդյան օրը: Աշոտը, էդ առումով համոզված եմ, ամբիցիոզ չի և ոչ մի նման հարց չի բարձրացնի:

2018 թվականին, երբ որ ես ստանձնեցի վարչապետի պաշտոնը, հարցերի շատ մեծ խումբ կար, որոնց պատասխանը ես չունեի և ակնհայտ էր ինձ համար, որ ես շատ դժվարություններ էի ունենալու դրանց պատասխանը ինքս ինձ համար գտնելու հարցում:

2020-ի պատերազմից հետո ուղիղ 4 տարի է անցել, ես չգիտեմ՝ դա ինչքանով է լավ կամ վատ, ես պատերազմի մեկնարկից և ավարտից հետո ամեն օր քնել և արթնացել եմ ինքս ինձ ուղղված հարցերով: Հարցեր են եղել, որոնք հնչել են հազարավոր անգամներ:

Եթե ես ուզում եմ ինքս ինձ հոգեբանական և ենթագիտակցական վերլուծության ենթարկել, թե ինչու այդ որոշումը կայացրեցի, ինձ համար պատասխանը հստակ է և միանշանակ. ես էդ որոշումը կայացնելու պահին ինքս ինձ հարցեր այլևս չունեի և էդ պահին ինքս իմ բարձրացրած հարցերի պատասխանները ես ինձ տվել եմ»,- «Հանրային Հ/Ը» եթերում ասաց վարաչպետ Նիկոլ Փաշինյանը: