«Այ էսպես էլ մեր ազնիվ ցեղը գնալու է ու վերանա». Վահան Հովհաննիսյան

Փաստաբան Վահան Հովհաննիսյանի ֆեյսբուքյան գրառումը․ «Թեմայից դուրս մի բան պատմեմ։ Եկել ենք ավտոշուկա ընկերոջս համար մեքենա գնելու։ Մի տարիքով մարդ մի քանի մեքենա է վաճառում։ Ակնհայտ է, որ մեքենաները վաղուց են կանգնած շուկայում ու չեն վաճառվում։ Փորձում ենք սակարկել, բայց կարճ կտրում է. «Թող մնան, փդեն, բայց կապեկ չեմ իջնելու»։ Տրամաբանական հակափաստարկներ ենք ներկայացնում, որ օրինակ, մի երկու շաբաթ էլ կանգնած մնան, մեր առաջարկած գնից ավելի ցածր է վաճառելու, ավելի լավ է մի փոքր էժան վաճառի, բայց գումարը կարողանա շրջանառության մեջ դնել և այլն։ Ստանում ենք նույն պատասխանը և հեռանում։ Մեքենաները շարունակում են շուկայում փտել, իսկ ընկերս մնում է անմեքենա։
Առակս ինչ ցուցանե։ Մենք ազգովի դեգրադացվել ենք, հիմարացել, կորցրել մեր քթածակը։ Մեր դարավոր հոտառությունը, խորամանկությունը, «հայի խելքը» չենք կարողանում իրացնել ոչ միայն կարևորագույն ազգային խնդիրներ լուծելիս, այլև առևտրում՝ այն ոլորտում, որում հային գերազանցող չի եղել։ Ու այ էսպես էլ մեր ազնիվ ցեղը գնալու է ու վերանա»։