18-ամյա երիտասարդի մոտ թմրամիջոց է հայտնաբերվել

462

Չորեքշաբթի, 27 նոյեմբերի, 2024 թ., 13:12

ՆԳՆ Ոստիկանությունից հայտնում են․ «Համայնքային ոստիկանության Եղեգնաձորի բաժնի և ՔՈԳՎ Վայոց ձորի մարզային վարչության ծառայողներն ու մարզի պարեկները, իրացնելով ստացված տեղեկություններն ու համատեղ ձեռնարկելով օպերատիվ-հետախուզական միջոցառումներ, պարզել են, որ Արենի գյուղի բնակիչ 18-ամյա երիտասարդը Կապի գլուխ կոչվող տարածքում և իր կողմից շահագործվող «Մերսեդես» մակնիշի ավտոմեքենայի մեջ թմրամիջոց է պահում:
Հետագա միջոցառումներով երիտասարդը վերոհիշյալ տարածքում հայտնաբերվել և տեղափոխվել է Համայնքային ոստիկանության Եղեգնաձորի բաժին:
Անձնական խուզարկությամբ երիտասարդի մոտ հայտնաբերվել են 2, 32 գրամ՝ դեղնականաչավուն և 7,79 գրամ՝ սպիտակ, յուրահատուկ հոտով զանգվածներ: Նա հայտնել է, որ հայտնաբերված թմրանյութն անձնական օգտագործման համար է:
Նախաձեռնվել է քրեական վարույթ: Հանգամանքները պարզվում են»:

Աղբյուրը` ՀՀ ՆԳՆ Ոստիկանություն