«Այս լույսերն աշխատում են 220 վոլտ լարմամբ. երեխաներին նրանց մեջ մի՛ նստեցրեք»․ Լևոն Սարդարյան

Լրագրողների անկախ արհեստակցական միության նախագահ Լևոն Սարդարյանի ֆեյսբուքյան գրառումը․ «Ուրեմն, երեկ վառվեցին մայրաքաղաքի Գլխավոր տոնածառի լույսերը։ Բայց խոսքս դրա մասին չի։ Զուգահեռաբար ընթանում են նաև մայրաքաղաքի տոնական լուսավորության գործարկման աշխատանքները ու էս տարի ևս ունենք էն նույն խնդիրն, ինչ նաև անցած տարիներին կար։ Կոնկրետ օրինակով ասեմ, որ հասկանալի լինի։ Մի քանի օր առաջ փորձնական միացվել են Սարյան արձանին հարակից պուրակի լույսերը։ Էնտեղ գեղեցիկ լուսային փնջեր կան, որոնք շատ գեղեցիկ են և, ըստ այդմ, մի տիկին որոշում ա էդ ֆոնին լուսանկարել իր մոտ մեկ տարեկան երեխային։ Ու ի՞նչ ա անում։ Երեխային նստեցնում ա լույսերի մեջ (դրանք աշխատում ենք 220 վոլտ լարման պայմաններում), որ սիրուն ֆոտո ստանա։ Ի՞նչ ա անում երեխան։ Ճիշտ ա, ձեռքը գցում ա ամենամոտ լամպին ու տանում բերանը։ Բարեբախտաբար, տեղում աշխատող մեր վրացի գործընկերները ժամանակին սա նկատում են ու հասցնում են հոսանքազրկել համակարգը։ Ճիշտ ա՝ դա ուղեկցվում ա մեսրոպատառ վրացերեն ընտրագույն հայհոյանքներով (էն, որ վախից քրֆում են), բայց կարևորն էն ա, որ այս անգամ երեխան անվնաս հեռանում ա տարածքից։ Հատուկ ընդգծում եմ՝ ԱՅՍ ԱՆԳԱՄ։ Հաջորդ անգամ մոտակայքում կարող ա և ոչ ոք չլինել ու ամեն ինչ շատ տխուր ավարտ կունենա։
Ինչի՞ համար գրեցի էս լավաշ ու խոսակցական հայերենով տեքստը (ինչի համար էսթետներից ներողություն եմ խնդրում)։ Որ մարդկանց մի մասին հիշեցնեմ ինքնապահպանման տարրական բնազդի մասին։ Այն կարող է փրկել անգամ բանականության մասնակի բացակայության դեպքում։ Խնայեք ձեզ ու, հատկապես, ձեր երեխաներին։ Մենք դրա համար ձեզնից անչափ շնորհակալ կլինենք»։