«Հրավիրում եմ զրույցի, քանի դեռ Նիկոլը ձեզ չի նստեցրել». Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը. «Հովիկ Աղազարյան և Հակոբ Ասլանյան, հրավիրում եմ ձեզ սուրճ խմելու և քաղաքական զրույցի:
Պարոնայք պատգամավորներ, ընդդիմադիր դաշտում բոլորը գիտեն, դուք էլ իմացեք, որ ոչ բռնի պայքարի և խաղաղ իշխանափոխության կողմնակից և ջատագով եմ: Կողմնակիցը չեմ իշխանության հենարան պատգամավորների գլուխներ ջարդելու և ինքնադատաստանի:
Ուստի, հրավիրում եմ ձեզ զրույցի, քանի դեռ Նիկոլը ձեզ մանդատից չի զրկել և նստեցրել (շուտով նա դա կանի), իրար հետ մտածենք խաղաղ իշխանափոխության ճանապարհների մասին: Համ էլ կկիսվենք ռեժիմի հետապնդումների փորձով, ես ձեզ նաև կպատմեմ, թե Նիկոլը ձեր գլխին ինչեր կարող է անել և ինչպես պաշտպանվեք:
Ամենայն հավանականությամբ կանտեսեք առաջարկս, բայց դա անելիս հիշեք, որ այսպիսի հնարավորություն հաջորդիվ հավանաբար այլևս չունենաք, ուստի հետո չասեք թե մեզ հետ ոչ ոք չուզեց խոսել, որ ոչ ոք մի խելքը գլխին առաջարկ չարեց:
Հետո, երբ ինքնադատաստանի բաժին դառաք, ես արդեն չեմ կարողանալու ձեզ օգնել»;