«Դուք այն մարդիկ եք, ովքեր 10 օր առաջ բղավում էիք «Նիկոլ վարչապետ»»․ Նաիրա Զոհրաբյանը՝ մսագործներին

«Ես ամեն շաբաթ ԳՈՒՄ-ի շուկայից լավաշ եմ գնում, տաս օր առաջ այդտեղով անցա, մսագործներից մեկը, իբր ինձ ցավ պատճառելու համար, բղավեց «Նիկոլ վարչապետ»»,- դեկտեմբերի 19-ին «Հայելի» ակումբում պատմեց ԱԺ նախկին պատգամավոր Նաիրա Զոհրաբյանը՝ նշելով, որ եթե ինքը այժմ ազնիվ լիներ, պետք է ասեր․ «ձեզ հասնում է»։

«Ձեր կատարած ընտրությունն է, որ անգամ պատերազմից հետո, տաս օր առաջ՝ քանի դեռ մսի ջանդակին չէին կպել, դուք ասում էիք «Նիկոլ վարչապետ», բայց ես միևնույն է, հարգելով ձեր քրտինքը, որովհետև գիտեմ, թե ինչքան վարկեր եք վերցրել, ես ասում եմ՝ դուք ունեք իմ աջակցությունը, բայց հիշեք՝ դուք էն մարդն եք, որ մինչև տաս օր առաջ բղավում էիք «Նիկոլ վարչապետ»։
Հիշեցնենք, որ ավելի վաղ ՍԱՏՄ աշխատակիցները ոստիկանության ծառայողների հետ միասին այցելել էին ԳՈՒՄ-ի շուկայի մսի տաղավարներ, տեղի էր ունեցել ծեծկռտուք, ինքնահրկիզման փորձ, առգրավվել և ոչնչացվել էր մոտ մեկ տոննա միս։