ԱՄՆ-ում իրականացվել է 2024 թվականի վերջին մահապատիժը

1382

Ուրբաթ, 20 դեկտեմբերի, 2024 թ., 15:37

ԱՄՆ-ում 2024թ․ վերջին մահապատիժը տեղի է ունեցել Օկլահոմայում՝ հինգշաբթի առավոտյան, հաղորդում է NBC News-ը։
«Հինգշաբթի առավոտյան Օկլահոման իրականացրել է 2024 թ․ ԱՄՆ վերջին մահապատժի դատավճիռը՝ մահապատժի ենթարկելով մթերային խանութի նախկին աշխատակցին, որը դատապարտվել էր 2006 թ․ 10-ամյա աղջկա սպանության համար»,- ասվում է հաղորդագրության մեջ։
Հեռուստաալիքի տվյալներով՝ 45-ամյա տղամարդուն մահապատժի են ենթարկել իր ծննդյան օրը՝ մահացու ներարկումով։ Օկլահոմայի ներման և պայմանական վաղաժամկետ ազատման խորհուրդը նախկինում մերժել էր նրա ներման խնդրանքը: