ՔՊ-կաններից ովքե՞ր են եկել Հովիկ Աղազարյանի կնոջ հոգեհանգստին

Մասիսի «Alla Luce» սգո սրահում ժամը 17։00-ից սկսվել է ԱԺ պատգամավոր Հովիկ Աղազարյանի կնոջ հոգեհանգիստը։ «Հրապարակ»-ի թղթակիցը մեկ ժամից ավելի այնտեղ է եղել ու ֆիքսել, թե իշխանականներից ովքեր են գալիս իրենց նախկին թիմակցին ցավակցելու։

Հոգեհանգստի արարողությանը եկան Վեդիի քաղաքապետ Գարիկ Սարգսյանը, Արարատի մարզպետ Սեդրակ Թևոնյանը, Պետական գույքի կառավարման կոմիտեի նախագահ Առնակ Ավետիսյանը, ՔՊ-ական պատգամավորներ Անդրանիկ Քոչարյանը, Բաբկեն Թունյանը, Արմեն Խաչատրյանը և Լուսինե Բադալյանը, ինչպես նաև ՔՊ-ից հեռացված Հակոբ Ասլանյանը։ Հոգեհանգստին ներկա են եղել նաև Նարեկ Զեյնալյանը և Վահան Քերոբյանը։ «Իշխանությանը մոտ կանգնած մեր աղբյուրն ասաց, որ ՔՊ-ում քննարկում է եղել՝ չգնալ Հովիկ Աղազարյանի կնոջ հոգեհանգստին։ Եթե անգամ նման որոշում էլ չլիներ, շատերն ուղղակի Նիկոլ Փաշինյանի ահից չէին համարձակվի անգամ ցավակցել նախկին թիմակցին։ Մենք նաև արձանագրել ենք, որ ծաղկեպսակ չի ուղարկվել ՔՊ-ի անունից»,- գրում է աղբյուրը:

Առավել մանրամասն՝ սկզբնաղբյուրում: