Կիրակի, 10 օգոստոսի, 2025 թ.
|
Ստեփանակերտում`   +30 °C

«Միասնական տոմսային համակարգն իրականում ստվերի դեմ պայքար է ենթադրում»․ Տիգրան Ավինյան

«Միասնական տոմսային համակարգն իրականում ստվերի դեմ պայքար է ենթադրում»․ Տիգրան Ավինյան
120
Երկուշաբթի, 23 դեկտեմբերի, 2024 թ., 11:42

«Նոյեմբերի 1-ից էական մեծ փոփոխություն իրականացրինք հանրային տրանսպորտի վճարման համակարգում, և այս հարցում շատ մեծ դեր ունեցան երևանցիները, որոնք տրամաբանությունը հասկանալով՝ մեզ օգնեցին իրական պատկերը դուրս բերել վճարման քանակի, օրական մուտքերի մասին»,- այս մասին դեկտեմբերի 23-ի գործակարգավարական խորհրդակցության ժամանակ հայտարարել է Երևանի քաղաքապետ Տիգրան Ավինյանը:

Նա շնորհակալություն է հայտնել բոլոր այն մարդկանց, ովքեր հասկացել են, թե ինչ տրամաբանություն է առաջ քաշում Երևանի քաղաքապետարանը՝ ներդնելով տոմսային միասնական համակարգ, որն իրականում ստվերի դեմ պայքար է ենթադրում։
Ավինյանը շեշտել է, որ առաջին հերթին սպասարկման որակն է լավանալու այս գործիքների ներդրման արդյունքում, նաև ունենալու ենք էական հստակ թվեր, որոնք ցույց կտան, թե ինչ է տեղի ունենում տրանսպորտային համակարգում։