«Օդի որակն ամառային սեզոնին շատ լավ մակարդակի վրա է եղել»․ Տիգրան Ավինյան

Քաղաքապետարանի ջանքերի շնորհիվ Երևանում տեղադրվել են 151 տվիչներ՝ օդի որակի վերաբերյալ, և այդ սարքերի մեծ մասը տեղադրվել է 2024 թվականին։ Այս մասին դեկտեմբերի 23-ի գործակարգավարական խորհրդակցության ժամանակ հայտնել է Երևանի քաղաքապետ Տիգրան Ավինյանը։ Նրա խոսքով, գարնանը, ամռանը, աշնանը տեսել ենք, որ օդի որակը լավ մակարդակի վրա է, ինչ վերաբերում է ձմեռային սեզոնին, այստեղ խնդիրները հստակ արձանագրվել են. «Այս խնդիրները ոչ թե առաջացել են նոր, ուղղակի այս սարքերը նախկինում տեղադրված չեն եղել․ դա մեր նախընտրական խոստումներից մեկն էր»,- ասել է Ավինյանը։