Գերմանիան դադարեցրել է Վրաստանի համար նախատեսված 237 միլիոն եվրոյի նախագծերը

1390

Երեքշաբթի, 24 դեկտեմբերի, 2024 թ., 19:37

Գերմանիան դադարեցրել է Վրաստանի համար 237 միլիոն եվրոյի նախագծերը երկրում ստեղծված իրավիճակի պատճառով։ Այս մասին X սոցիալական ցանցում հայտնել է Թբիլիսիում Գերմանիայի դեսպան Փեթեր Ֆիշերը։

Նա նշել է, որ Գերմանիան «ափսոսանքով» դադարեցրել է Վրաստանի հետ նախագծերը։ Գերմանիայի տնտեսական համագործակցության և զարգացման նախարարությունն ու նախարար Սվենյա Շուլցեն այսպես են արձագանքում Վրաստանի՝ ԵՄ ուղղուց շեղվելուն և բողոքի ցույցերը ցրելուն։

«Մենք դադարեցրել ենք կանաչ ջրածնի, էներգետիկ ենթակառուցվածքների, ինչպես նաև Բաթումի ջրային ենթակառուցվածքների ֆինանսավորումը: «Քաղաքացիական հասարակությանն ու օրենքի գերակայությանն աջակցությունը շարունակվում է»,- ասել է Ֆիշերը։

Հիշեցնենք, որ անցած շաբաթ ԵԱՀԿ ավելի քան 30 մասնակից պետություններ դատապարտել են վրացական իշխանությունների կողմից եվրոպամետ ցույցերի կոշտ ճնշումը։