«Պատերազմի աշխարհքաղաքական նախադրյալներն ակնհայտ են»․ Մանուկ Սուքիասյան

Երևանի ավագանու «Մայր Հայաստան» խմբակցության անդամ Մանուկ Սուքիասյանի ֆեյսբուքյան գրառումը․ «Իրանի ԱԽ ԳԽ քարտուղարի՝ Բաքու կատարած այցից հետո, մինչ վերջինս կհասներ Երևան, Ալիև-Էրդողան հեռախոսազրույց տեղի ունեցավ, որի ժամանակ Էրդողանը վերահաստատեց իր աջակցությունն Ադրբեջանին։
Երևանում ՀՀ ԱԳ նախարար Միրզոյանը պաշտոնապես ազդարարեց Հայաստան-ԱՄՆ ռազմավարական գործընկերության փաստաթուղթ ստորագրելու ակնկալիքի մասին։ Կեսգիշերն անց այդ մասով ԱՄՆ Պետդեպարտամենտը հայտարարեց, թե «այս պահին դիտարկելու կամ հրապարակելու ոչինչ չունենք»։
Զելենսկին խուճապահար երաշխիքներ պահանջեց՝ ասելով, թե ռուսական բանակն ավելի մեծ է. փաստորեն՝ նոր հասկացավ։ Նույն Միրզոյանը հայտարարեց, թե ԱՅՍ ՊԱՀԻՆ չի քննարկվում Հայաստանից ՌԴ ռազմաբազան հանելու հարցը. այսինքն՝ վաղը կարող է քննարկվել։

Ո՞Վ ԵՔ ԴՈՒՔ․․․
Օրվա ընթացքում Փաշինյանի խոսույթը ոչ մի լավատեսություն չներշնչեց. երկչոտ, վախվորած ու անատամ տեքստ։ Օրվա վերջում՝ ֆոտոսեսիա։
Էն Մակրոնն էլ էնտեղ ա լռում։
ՀՀ ԶՈՒ ԳՇ նախկին պետ Մ.Հակոբյանը կոչ արեց պատրաստվել պատերազմի։
Պատերազմի աշխարհքաղաքական նախադրյալներն ակնհայտ են, նման ղեկավարությամբ հերթական պատերազմի հարկադրված գնալու ողբերգական հեռանկարները՝ խիստ տեսանելի»։