Բաքվում ավարտվել է հայ գերիների նկատմամբ շինծու դատավարության առաջին նիստը

714

Ուրբաթ, 17 հունվարի, 2025 թ., 16:36

Բաքվում ավարտվել է Արցախի ռազմաքաղաքական ղեկավարության ներկայացուցիչների դեմ շինծու գործով առաջին դատական նիստը։

Հիշեցնենք, որ Ադրբեջանի գլխավոր դատախազությունը հաղորդագրություն էր տարածել կեղծ մեղադրանքներով Բաքվում ապօրինի պահվող հայ գերիների նկատմամբ դատավարության մեկնարկի վերաբերյալ։

Հաղորդագրության մեջ նշվում էր, որ դատավարության ժամանակ, այսպես կոչված, պետական մեղադրանքը պաշտպանելու է Ադրբեջանի 6 դատախազ։

Բաքվում պահվող հայ գերիներին, այդ թվում Արցախի նախկին ռազմաքաղաքական ղեկավարությանը, Ադրբեջանն ապօրինի ձերբակալել և կեղծ մեղադրանքներ է առաջադրել 2023 թվականի սեպտեմբերին Լեռնային Ղարաբաղի դեմ ռազմական ագրեսիայից հետո։ Ադրբեջանը հաստատում է իր մոտ 23 հայ գերու առկայությունը: