Ադրբեջանում հայ գերիների նկատմամբ շինծու դատավարության ընթացքում մեղադրանքը կպաշտպանի 6 դատախազ

Ադրբեջանում ռազմական հանցագործությունների մեջ մեղադրվող հայերի կեղծ դատավարության ժամանակ, այսպես կոչված, պետական ​​մեղադրանքը պաշտպանում է վեց դատախազ։

Ինչպես հաղորդում է ԱՊԱ-ն, այս մասին հայտնում է Ադրբեջանի գլխավոր դատախազության մամուլի ծառայությունը։

«Գլխավոր դատախազ Քամրան Ալիևի համապատասխան կարգադրությամբ ստեղծվել է դատախազության աշխատակիցների խումբ, որը կպաշտպանի Արկադի Ղուկասյանի, Արայիկ Հարությունյանի, Բակո Սահակյանի, Դավիթ Իշխանյանի, Դավիթ Մանուկյանի, Դավիթ Բաբայանի, Լևոն Մնացականյանի, Վասիլի Բեգլարյանի, Էրիկ Ղազարյանի, Դավիթ Ալահվերդյանի, Գուրգեն Ստեփանյանի, Լևոն Բալայանի, Մադաթ Բաբայանի, Գարիկ Մարտիրոսյանի, Մելիքսեթ Փաշայանի և Ռուբեն Վարդանյանի նկատմամբ հարուցված քրեական գործերով պետական մեղադրանքը»,- ասված է Ադրբեջանի դատախազության հաղորդագրության մեջ։

Պետական ​​մեղադրող կողմը ներկայացված է վեց դատախազով, հայտնում է Մինվալը՝ Վուսալ Ալիևը, Թուգայ Ռահիմլին, Նասիր Բայրամովը, Ֆուադ Մուսաևը, Վյուսալ Աբդուլաևը, Տարանա Մամեդովան։