«Կարո՞ղ էր ՌԴ-ն այնպես անել, որ Արցախի ղեկավարությունը չհայտնվեր գերության մեջ». լրագրողը՝ Լևոն Քոչարյանին

«Կարո՞ղ էր ՌԴ-ն այնպես անել, որ Արցախի ռազմաքաղաքական ղեկավարությունը չհայտնվեր Բաքվում՝ գերության մեջ»,- ԱԺ-ում դիմելով ընդդիմադիր պատգամավոր Լևոն Քոչարյանին՝ հարցրին լրագրողները: Քոչարյանը նշեց, որ չի կարող միանշանակ ասել. «Ես, իհարկե, չեմ մեկնաբանելու ՌԴ նախագահի գործողությունները կամ արդեն հարցը էդ ձևով հնչեցնելը, չգիտեմ, ինչքանով է ճիշտ, իսկ արդյոք կարող էին այնպես անել այդ իրավիճակում, որ դա այդպես չլիներ, չգիտեմ, չեմ տիրապետում... Կարծում եմ՝ եթե կարողանային, կանեին, որովհետև այս ամեն ինչը նաև հարվածում է նրանց հեղինակությանը Հայաստանում, որը չեմ կարծում, որ իրենք կուզեին, որ լիներ»,- հավելեց պատգամավորը: