«Բիզնեսի նախագահը մտադիր չէ փոխել իր մոտեցումները պատերազմների հարցում». Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը. «Վաղվանից ականատես ենք լինելու նոր իրողությունների։ Բնականաբար, ԱՄՆ-ի նոր նախագահն իր խաղի կանոններով է խաղալու, իր բիզնես մտածելակերպով է առաջնորդվելու։ Ես մինչև վերջ հույս ունեի, որ Թրամփը նախորդ նախագահության տարիների արտաքին քաղաքական կուրսը չի վարի, գոնե՝ Մերձավոր Արևելքում, որով արձակվել էին Թուրքիայի ձեռքերը․․․ Բայց, կարծես թե այդքան էլ այդպես չէ, բիզնեսի նախագահը մտադիր չէ փոխել իր մոտեցումները պատերազմների հարցում․․․
Այո, կարծում եմ, որ ռուս-ուկրաինական պատերազմը կանգ է առնելու, կամ գոնե ակտիվ փուլն ավարտվելու և մտնելու է բանակցությունների փուլ, իսկ ահա Մերձավոր Արևելքում, Հարավային Կովկասում ազդեցության գոտիների համար ախորժակ ունեցողների առջև հնարավորություններ են բացվում․․․ Թուրքիան փորձելու է ԱՄՆ-ի վերահսկողությունից դուրս գալ և հանդես գալ՝ որպես առանձին ուժ, առանձին տարածաշրջանային դերակատար․․․»: