«Նիկոլ Փաշինյանը, օլիգարխներին թողած, ընկել է ժողովրդի 2 կոպեկի հետևից»․ Էդմոն Մարուքյան

ԼՀԿ ղեկավար Էդմոն Մարուքյանի ֆեյսբուքյան էջում տեսանյութ է հրապարակել՝ կից գրառմամբ․ «Ժամանակակից պետության հայեցակարգը պետք է լինի հետևյալը. պետությունն է մարդու համար, ոչ թե մարդը՝ պետության։ Բանկերն են մարդկանց համար և ոչ թե մարդիկ բանկերի համար»:

«Հայտարարագրման օրենքը շպրտել աղբարկղը. ավտորիտարիզմը պետք է մերժվի․․․

Նիկոլ Փաշինյանը օլիգարխներին թողած՝ ընկել է ժողովրդի 2 կոպեկի հետևից, որովհետև օլիգարխներին ոչ մի բան չի կարողանում անել․․․ Եվ այդ ֆոնին այս բացատրությունն է՝ դա նրա համար է, որ կոռուպցիան բացահայտենք․․․ Կոռուպցիան իշխանության մեջ է․․․

Համընդհանուր հայտարարագրման համակարգը ավտորիտար գործիք է։ Այս համակարգը հակասում է ժողովրդավարական հասարակության բոլոր սկզբունքներին․․․ Չկա երաշխիք, որ այդ տեղեկությունները չեն հայտնվի մեր թշնամի երկրների հատուկ ծառայությունների ձեռքում»,- տեսանյութում ընդգծում է Մարուքյանը։