Le Monde-ը և Liberation-ը հայտարարում են X-ից հեռանալու մասին

Ֆրանսիական երկու խոշորագույն թերթերը՝ Le Monde-ը և Liberation-ը, այլևս չեն հրապարակի նորություններ X-ում: Նրանք գնացել են այս քայլին, քանի որ համաձայն չեն Իլոն Մասկի ղեկավարման հետ:

«Այս հարթակի հետ համագործակցությունն այլևս չի համապատասխանում մեր թերթի արժեքներին»,- բացատրել է Liberation-ը։

Իր հերթին, Le Monde-ի տնօրեն Ժերոմ Ֆենոլիոն կարծիք է հայտնել, որ թերթի ներկայությունը սոցցանցում ավելի շատ բացասական հետևանքներ ունի, քան դրական։ Նա նաև մեղադրել է X-ի սեփականատեր Իլոն Մասկին X-ը մրցակիցների և եվրոպական կառավարությունների վրա որպես ճնշման միջոց գործադրելու մեջ:

Ավելի վաղ ֆրանսիական մի քանի խոշոր լրատվամիջոցներ հայտարարել էին, որ կդադարեցնեն X-ում հրապարակումները՝ պատճառաբանելով դրա սեփականատեր Իլոն Մասկի անհարգալից վերաբերմունքը եվրոպացիների նկատմամբ և փաստերի ստուգման նկատմամբ անբավարար ուշադրությունը։ Խոսքը La Voix du Nord, Ouest-France և Sud Ouest թերթերի, Challenges ամսագրի և Mediapart առցանց լրատվականի մասին է: